Distiguido Lion y Lioness nan,

Ta pami un honor, na occacion di e ‘re-union’ historico aki, pa conta boso, mi experencia nan, desde cu mi esposo, Lion Bibi, na 1999 a bira miembro di e prestigioso club di servicio aki.

Ta interesante pa menciona cu tempo di Bibi a wordo aserca pa forma parti di Aruba Lions Club, ya caba nos a cuminsa wordo invita pa assisti na actividad nan di e club. Nos prome y masha memorable participacion tabata nos biahe cu un grupo si casi 20 miembro, den un avioneta charter, pa San Christobal. Aya nos a atende un Elecion pa Gobernador pa nos Districto E1, den cual nos Fellow Lion Frank Croes, a keda eligi. Pues te awe e tin e titulo PstGv-Frank Croes.

Birando activo hunto cu e lioness nan, mi a realisa cu durante ALC su actividad pa recauda fondo, manera por ehempel, un feria, tur e fundraising tabata bai – exclusivamente – oa e “Activity Fund” di ALC: ‘Di e comunidad pa e comunidad!’. P’esey. den actividad nan aki, e Lioness ‘club’. como un instancia los di ALC, tabata set up den e Feriam cu su mes cushina, pa nan por a recausa nan mes fondo. Y cu e fondo aki nan tabata yuda ALC cubri gasto nan cu ta surpasa ALC su “Administrative Fund” (di nan membership-fee) pa por ehempel: biahamento.

Durante e ultimo aña nan cu e Lioness nan tabata apoyando ALC financieramente, e Lioness ‘Club’ su budget tabata rond di AFL. 10.000,-. Mi mes tabata varios aña den e directiva y a fungi como tesorera y presidente. Fuera di encarga cu cushina, pa nan fondo nan, e Lioness nan mes tambe tabata traha y bende hopi bolo y rifa. E lioness mes cu mi a traha cu nan tabata entre otro: Lioness Chima, Ada, Baby, Yoyo Elina, Cha, Suzy, Carol, Minerva, AnnaMaria, Denicia, Rocio, Inge y Difunto Suzana. Eingelijk mucho hopi pa menciona.

Si mi mira bek mi aña nan cu Lion Bibi den ALC, mi por bisa un solo cos: Masha dushi tempo mes. ALC, hunto cu Curacao, Bonaire Lions Club tabata cai como un Zona, bao di e Districto y Gobernacion di E1. Venezuela tabata existi di e 4 Districto: E4: Oriente (Margarita)/ E3: Central: Area di Caracas/ E2: Area di Valencia/ E1: Area di Venezuela West: Cuidad Ojeda; Punto Fijo; Maracaibo; San Christobal; Merida etc.
Mayoria di e lugar nan aki mi a bai cu Bibi. Yegando aeropuerto, e miembro nan Venezolano tabata ricibi nos manera famia y compaña nos pa nos hotel den cual hopi biaha nan actividad y celebracion nan ta tuma lugar.

Directiva y Club di ALC tabata biaha 2-3 bes pa aña pa Venezuela pa reunion di Cabinete, Districto y Multiple. Pero tambe nos a bai masha hopi biaha Curacao y Boneiro, pa entre otrom nan “Charter Celebration” nan. Un dushi biahe mi ta corda cu mi a bai cu Bibi tabata na e Multiple: E4:3:2:1 (un siman) na e Isla Margarita.

Despues cu e Statuut di ALC a keda actualisa na 2015, den cual ALC, como un di e ultimo “all male club” nan a bira un club pa hende muhe tambe, e rol di e Lioness Club poco poco a bira menos activo y influente. En conneccion cu e lamentable situacion deteorante an Venezuela, na 2018 nos Zona (ABC) a haya e “Okay” di Lions Club International pa move di Districto E1 (Venezuela) pa Districto N35 (Florida Sur) hunto cu Bahamas bao Miami.

Awendia, cu e situacion general mundial cu nos ta den, personalmente, mi ta kere, cu mester bin un club of organisacion nobo, (banda di ALC) cu un caracter manera nos Ex-Lioness Club. Esaki, pa por yuda ALC cu su extra gasto nan cu ta cay bao e “Administrative Fund” di contribuccion di miembronan manera, mantenimiento di nos edificio y ohalam eventual biaha (entre otro pa nos districto N35 na Miami), den un muy futuro cercano.

Cu esaski mi ta aprecia e iniciativa di e Lion hende muher nan, pa bin huinto cu e Lioness nan, pa inicia e “High Tea Party” aki y haci e actividad aki como un evento y tradicion pa nos futuro actividad nan pa recauda fondo.
Ladies … let’s do it!

Lioness Vanessa.